Женевада ўтказилган аукционда дунёнинг энг қимматбаҳо олмос сирғалари 57 миллион долларга сотилди, деб хабар берди Tvzvezda.ru нашри.
Бир жуфт сирға юнон эгизак илоҳларининг шарафига “Мовий Апполон” ва “Пуштиранг Артемида”, деб аталган. Сирғалар алоҳида ҳолда сотувга қўйилди. “Апполон” ярим карат оғирлиги туфайли “Артемида”дан қимматроққа сотилди. Уларни сотиб олган осиёлик харидор ўз номини ошкор этишни истамади. Аммо мазкур олмослар қулоққа тақилгач, унинг қимматбаҳо эканлигини яширишнинг иложи қолмайди.
