“Urganch” va “Samarqand” xalqaro aeroportlari yana bir bor Fuqaro aviasiyasining “Aeroport” assosiasiyasi tomonidan 2016 yil natijalari bo`yicha o`tkazilgan nufuzli tanlovi g`oliblari bo`lishdi.
“MDH mamlakatlaridagi yilning eng yaxshi aeroporti” tanlovida O`zbekiston aeroportlari bir necha yillardan buyon qatnashib keladi, shu vaqt ichida ular ko`plab marta turli nominasiyalarda g`oliblikni qo`lga kiritib kelmoqdalar, deya xabar beradi “O`zbekiston havo yo`llari” MAK matbuot xizmati.
O`tgan yilgi faoliyat natijalariga ko`ra “Urganch” aeroporti “Shiddat bilan rivojlanayotgan aeroport” deb e`tirof etilgan bo`lsa, bu yil aeroport ushbu nufuzli tanlovda beshinchi marta g`oliblikni qo`lga kiritdi. “Samarqand” aeroporti “Aktiv faoliyati uchun” nominasiyasi g`olibi bo`ldi.
Assosiasiya sovrinlari – Kubok va Faxriy yorliq, havo maskanlari xodimlarining yuqori ishlab chiqarish ko`rsatkichlari, parvozlarning xavfsizligi va o`tgan yilgi ish rejalarining bajarilishi ta`minlanishiga zamin yaratgan birdamlikdagi mehnatlari natijasidir.
