Xitoyning Shanxay shahridagi kliniklaridan birida shifokorlar 22 yoshli bemor yigitning yo`g`on ichagidan 76 santimetrli, og`irligi 13 kilogramm bo`lgan ulkan etni olib tashlashdi, deb xabar berdi Tengrinews.kz nashri.
Ulkan shilliqurtni eslatuvchi mazkur anomaliya aks etgan fotosuratlar Xitoy ijtimoiy tarmoqlarida yashin tezligida tarqaldi. Bemor yigit qornidagi og`riq tufayli kasalxonaga olib kelingan. U xuddi homilador ayolni eslatgan. Yigit kuchli og`riq tufayli zo`rg`a nafas olgan. Shifokorlar uning juda kam uchraydigan Girshprung kasalligiga chalinganligini aniqlashdi. Mazkur kasallik tufayli yo`g`on ichak juda ham kengayib ketadi. Shifokorlar kamdan-kam uchraydigan operasiyani muvaffaqiyatli ravishda amalga oshirdi. Ayni paytda bemor yigit o`zini yaxshi his qilib, ovqat iste`mol qilmoqda va bemalol o`rnidan turib, harakatlanmoqda.
