Shavkat Mirziyoev Uchtepa tumaniga tashrifi chog`ida Vatanparvar mahallasi hududidagi «Vatanparvar inoq kommunalchi» xususiy uy-joy mulkdorlari shirkati faoliyati bilan tanishdi, deb yozadi O`zA.
2010 yilda tashkil etilgan ushbu shirkat tumandagi eng namunali xususiy uy-joy mulkdorlari shirkatlaridan biri. Shirkat joylashgan 38-uyning kirish yo`laklari zamonaviy uslubda ta`mirlangan, uyga tutash hudud obodonlashtirilgan. Ko`p qavatli uyning old qismi va yo`laklarga videokuzatuv o`rnatilgan. 60 xonadonga xizmat ko`rsatuvchi shirkatda kommunal tariflar aholi uchun qulay narxlarda ishlab chiqilgan.
Shirkatning o`z mablag`i hisobidan uch yil ilgari uyning tom qismi mukammal ta`mirlangan, yo`laklarga zamonaviy eshiklar o`rnatilgan. Uy oldida qurilgan avtoturarjoy shu erda yashovchi aholiga bepul xizmat ko`rsatadi. Turli attraksionlar, o`yin qurilmalari bilan jihozlangan bolalar maydonchasi nafaqat bolalar, balki kattalarning ham bahri dilini ochadi.
Prezidentimiz xususiy uy-joy mulkdorlari shirkati rahbari Svetlana Orlova bilan shirkat faoliyati, ko`p xonadonli turar joylarda aholining uy-joy sharoitini yaxshilash bo`yicha qilinayotgan ishlar haqida suhbatlashdi. Shirkat xodimlari va xonadon sohiblarining qo`l mehnati bilan obod maskanga aylangan bunday shirkatlar tajribasini o`rganish, uni boshqa tumanlarga ham keng targ`ib etish zarurligi ta`kidlandi.
Ishlayman, yarataman degan odamga ko`p narsaning keragi yo`q, dedi davlatimiz rahbari. Oddiy qo`l mehnati, ko`pchilikning sa`y-harakati bilan o`zi yashayotgan hududni shunday saranjom-sarishta, fayzli maskanga aylantirayotgan yurtdoshlarimiz ko`payayotgani bizni quvontiradi.
13.05.2024, 17:53
Prezident Shavkat Mirziyoev 13 may kuni ko`mir qazib chiqarishni oshirish rejalari taqdimoti bilan tanishdi. Bu haqda Prezident matbuot xizmati xabar berdi. Aholi va iqtisodiyotning o`sib borayotgan...08.05.2024, 17:04
O`zbekiston Respublikasi Prezidenti Shavkat Mirziyoev 8 may kuni amaliy tashrif bilan Moskva shahriga tashrif buyurdi. Bu haqda Prezident matbuot xizmati xabar berdi. “Vnukovo” xalqaro aeroportida davlatimiz...07.05.2024, 14:24
Mirziyoev Vengriya, Eron, Chexiya, O`mon va Jazoirning yangi tayinlangan elchilaridan ishonch yorliqlarini qabul qildi. Bu haqda Prezident matbuot xizmati xabar berdi. Prezidentimiz Chexiya Respublikasi O`zbekistonning Evropa...19.04.2024, 18:05
O`zbekiston Respublikasi Prezidenti Shavkat Mirziyoevning Tojikistonga davlat tashrifi doirasidagi tadbirlar yakuniga etdi. Bu haqda Prezident matbuot xizmati xabar berdi. Kuni kecha O`zbekiston rahbari Prezident Emomali Rahmon...