Toshkent shahar IIBB xodimlari yana bir jinoyatni fosh etishdi.
13 iyun kuni chamasi soat 23:00 larda o`tkazilgan tezkor tadbir davomida Olmazor tumani hududida joylashgan xonadonda Aleksandr Aleksandrovich Nasakin va Rustam Ilxomjonovich Karimovlar «opiy» giyohvand moddasini iste`mol qilish uchun bangixona tashkil qilishganliklari aniqlangan.
Xonadonni ko`zdan kechirish davomida 0,52 gramm «opiy» giyohvand moddasi, shprislar va giyohvandlik moddasini iste`mol qilish uchun asbob-uskunalar olingan.
Mazkur holat yuzasidan Olmazor tumani IIB huzuridagi Tergov bo`limi tomonidan JKning 273-moddasi 4-qismi (giyohvandlik vositalarini qonunga xilof ravishda tayyorlash, bunday vositalarni iste`mol qilish uchun bangixonalar tashkil qilish va saqlash) bilan jinoyat ishi qo`zg`atilgan.
Nasakin va Karimovlarga nisbatan qamoqqa olish tarzidagi ehtiyot chorasi qo`llanilgan.
Hozirda dastlabki tergov harakatlari davom ettirilib, ularning boshqa jinoyatlarga aloqadorligi tekshirilmoqda.