Amerikaning Arkanzas shtat hukumati 32 yildan beri qidiruvda bo`lgan mahbus qo`lga olingani haqida xabar berdi, deb yozdi Tengrinews.kz nashri.
60 yoshli Stiven Dishman shtatning shimoliy-g`arbiy qismidagi Springdeyldagi uyida qo`lga olindi. U o`g`irlik qilgani uchun jazoni o`tayotganda, 1985 yilning 28 may kuni qochib ketgan. Stiven 1987 yilning dekabr oyida shartli ravishda ozod qilinishi lozim bo`lgan. Polisiyachilar uni qanday qilib qo`lga olgani haqida ma`lumot berilmagan. Jazoni o`tash muassasasi matbuot xizmatining xabar berishicha, Dishman hukmda ko`rsatilgan jazo muddatini o`taydi. Unga qo`shimcha jazo berish masalasini prokuratura hal qiladi.
