Qizaloq Sharlotta Gersayd dunyoga kelganda shifokorlar dahshatga tushgan edi, deb yozadi Pozitivno.me nashri.
Ular mehnat tajribasi davomida ilk marotaba bunday qizaloqni uchratishdi. Qizcha pakanalikning eng kam uchraydigan turi bilan tug`ilgan edi. Dunyo bo`yicha Sharlottaga o`xshagan odamlarning soni o`ntaga ham etmasdi. Shifokorlar u bor-yo`g`i bir yil yashashi mumkinligini bashorat qilishdi. Bundan g`amga tushgan er-xotin chaqaloqni ko`targancha, ko`zda yosh bilan uyga qaytishdi. Ilk davrlarda Sharlottaga loyiq kiyim-kechak bo`lmagani bois, ota-onasi unga qo`g`irchoqlarning kiyimini kiydirishga majbur bo`ldi. Ammo shifokorlarning bashorati amalga oshmadi, avvaliga 5 yoshlik yubileyini nishonlagan Sharlotta keyin maktabga jo`nadi. Birinchi sinfda uning bo`yi 68 santimetr bo`lib, og`irligi 5 kilogrammni tashkil etardi. Hozir qiz voyaga etganiga qaramay, hamon bo`yi o`smagan. Sharlottaning uchta opasi bo`lib, ularning bo`y-basti tengdoshlarinikidan farq qilmaydi. Opalari Sharlottani juda yaxshi ko`rishadi, ular singillarini har qanday xavf-xatardan himoya qilishadi. Sharlota jismoniy kamchiligiga qaramay, o`zining qiziqishlariga, do`stlariga ega. Uning to`laqonli hayot kechirishida, oiladagilar va do`stlarining mehr-muhabbati, e`tibori katta rol o`ynadi.
