​Toshkentda namunali oilaviy poliklinika tashkil qilindi (Foto)

Jamiyat 11.07.2017, 10:03
Teglar: Foto, Tibbiyot, Toshkent
​Toshkentda namunali oilaviy poliklinika tashkil qilindi (Foto)

Shu yilning 6 iyul kuni Prezidentimiz Shavkat Mirziyoev raisligida sog`liqni saqlash tizimini yanada takomillashtirish, sohadagi mavjud muammo va kamchiliklarni bartaraf etish masalalariga bag`ishlangan navbatdagi videoselektor yig`ilishda ham birlamchi tibbiy-sanitariya yordamini, ayniqsa, patronaj ishlarini talab darajasida tashkil etish bo`yicha topshiriqlar berildi.

Shu maqsadda mamlakatimiz Prezidentining “O`zbekiston Respublikasida birlamchi tibbiy-sanitariya yordami muassasalari faoliyatini tashkil etishni yanada takomillashtirish chora-tadbirlari to`g`risida”gi hamda “Toshkent shahar aholisiga ko`rsatilayotgan birlamchi tibbiy-sanitariya yordamini yanada takomillashtirish chora-tadbirlari to`g`risida”gi qarorlari qabul qilindi.

Mazkur hujjatlar aholini sifatli va tezkor birlamchi tibbiy-sanitariya yordami bilan yanada kengroq qamrab olish, ixtisoslashgan tibbiy yordamni viloyatlar aholisiga yaqinlashtirish, kasalliklarning oldini olish va erta bosqichlarda aniqlash, kasallanish darajasini pasaytirish, profilaktik tadbirlarni amalga oshirish orqali salomatlik ko`rsatkichlarini yanada yaxshilashga qaratilgani bilan ahamiyatlidir.


Davlatimiz rahbari joylarda amalga oshirilayotgan bunyodkorlik va obodonlashtirish ishlari, ijtimoiy-iqtisodiy islohotlarning borishi bilan yaqindan tanishish, xalq bilan muloqot qilish maqsadida poytaxtimiz tumanlariga tashrif buyurganda ham tibbiyotning birlamchi bo`g`iniga alohida e`tibor qaratib kelmoqda. Xususan, davlatimiz rahbari Shayxontohur tumanida bo`lganda aholiga malakali tibbiy-sanitariya yordami ko`rsatish bo`yicha namunali oilaviy poliklinikani aynan shu tumanda tashkil etish taklifini kiritgan edi.

Ushbu tashabbus soha mutasaddi xodimlari tomonidan qo`llab-quvvatlandi. Sog`liqni saqlash vazirligi va Oliy Majlis Qonunchilik palatasi bilan hamkorlikda darhol qo`shma reja ishlab chiqilib, amaliy ishlar boshlab yuborildi. Shayxontohur tumanidagi 47-oilaviy poliklinika faoliyati tahliliy o`rganildi va mazkur maqsad uchun tanlandi.

Poliklinika Chaqar, Chorsu, Qoratosh, Gulbozor mahallalarini qamrab olgan bo`lib, 26 ming nafardan ortiq aholiga tibbiy xizmat ko`rsatib kelmoqda. Shuningdek, hududda joylashgan uchta maktab, bitta kollej va to`rtta bog`chaga ham 47-oilaviy poliklinika birlamchi tibbiy-sanitariya yordamini ko`rsatadi. Ushbu vazifani poliklinikada faoliyat yuritayotgan kardiolog, endokrinolog, ginekolog, nevropatolog, okulist, otolaringolog, stomatolog kabi tor mutaxassislar hamda 15 nafar umumiy amaliyot shifokori va 32 nafar patronaj hamshira sidqidildan bajarib kelmoqda. Bundan tashqari, poliklinika zamonaviy tibbiy texnikalar, xususan, UTT, EKG, rentgen apparatlari bilan jihozlangan.


Prezidentimiz topshirig`idan so`ng, qisqa vaqt ichida poliklinika faoliyati qayta ko`rib chiqilib, tubdan isloh qilindi. Bunda asosiy e`tibor aholiga ko`rsatilayotgan tibbiy yordam sifati va samarasini yanada yaxshilash, shifokor qabuliga kirish uchun navbatlarni qisqartirish, kasalliklarni erta aniqlash va patronaj ishlarini o`z vaqtida maqsadli olib borish, shoshilinch holatlarda tez tibbiy yordam xizmatini samarali tashkil etishga qaratildi.

Ayni damda Shayxontohur tumanidagi 47-oilaviy poliklinika faoliyati havas qilsa arzirli darajaga etgan. Tibbiyot muassasasiga kirishdanoq poliklinika faoliyatining asosiy mezoni xalq roziligi ekanini anglash mumkin. Bunday deyishimiz bejiz emas. Sababi bu erda yaratilgan barcha shart-sharoitlar zamirida, avvalo, aholiga qulaylik yaratish maqsadi mujassam.


Poliklinikaga tashrif buyuruvchi e`tibori avvalo kirishda osilgan o`ziga xos ranglardagi ma`lumotlar taxtasiga tushishi tayin. Aynan ushbu ma`lumotlar orqali qaysi ixtisoslikdagi shifokor nechanchi xonada qabul qilishi, ish vaqti va qabul kunlari bilan tanishish mumkin. Shuningdek, har bir xonadonga quyidagi ma`lumotlarni o`zida jamlagan tashrif qog`ozlari tarqatildi:

  • aholi o`z fikr va takliflarini bildirishi uchun oilaviy poliklinika bosh shifokorining telefon raqamlari;
  • bemorlarni oldindan shifokor qabuliga yozilishlarini qayd etish telefon raqami;
  • aholi bilan hudud shifokori va oila hamshiralari bilan uzviylikni yanada yaxshilash maqsadida ularning telefon raqamlari;
  • 103 tez tibbiy yordam xizmatidan foydalanishda aholiga qulayliklar yaratish maqsadida ularning telefon raqamlari ko`rsatib o`tilgan.

  • E`tiborli tomoni, tashrif qog`ozida shifokor va hamshiralar surati ham bo`lib, bu fuqarolar uchun yana bir qulaylik bo`ldi. Tan olish kerak, ilgari ba`zi hamyurtlarimiz o`z oilaviy shifokori yoki hamshirasini tanimasdi. Endilikda, mutaxassislarning telefon raqamlari suratlari bilan birga tarqatilib, aholi va tibbiyot xodimi orasidagi aloqa mustahkamlanmoqda.


    Poliklinikaga, odatda, rejali tarzda va shoshilinch holatlarda murojaat qilinadi. Poytaxtimizdagi 47-oilaviy poliklinikada har ikki holatda ham bemorga o`z vaqtida va sifatli yordam ko`rsatish uchun barcha sharoitlar yaratilgan. Agar bemor rejali tarzda tibbiy ko`rikdan o`tmoqchi bo`lsa, shifokor qabuliga oldindan yozilishi mumkin. Buni ikki xil usulda amalga oshirish mumkin: telefon orqali va uydan chiqmagan holda, elektron tarzda.
    Yana bir qulaylik, bemor shifokor qabuliga oldindan navbat olmay kelgan bo`lsa, poliklinikaning o`zida elektron tarzda navbatda turadi. Buning uchun har bir tashrif buyuruvchi maxsus o`rnatilgan qurilma orqali o`z tartib raqamini olib, monitorda navbati qachon kelishini kuzatib borishi mumkin. Kutish vaqtini foydali tashkil qilish ham e`tibordan chetda qolmadi. Ya`ni poliklinika hududida wifi zona tashkil etilgan bo`lib, navbatini kutayotgan fuqaro bepul internet orqali salomatlikka doir foydali ma`lumotlar bilan tanishib boradi.
    Shoshilinch holatlarda esa, murojaat tushgan xonadonga zudlik bilan etib borish uchun poliklinika qoshida tez tibbiy yordam podstansiyasi va unga biriktirilgan maxsus avtomoshina xizmati yo`lga qo`yilgan. Ushbu podstansiyaning poliklinika qoshida tashkil etilishi bejiz emas. Bundan ko`zlangan maqsad – tez tibbiy yordam chaqirilganda masofa bilan bog`liq muammolarning oldini olish hamda brigada xonadonga etib borguncha bemorning ambulator kartasi bilan tanishib borishdir. Bu esa bemor avval o`tkazgan kasalliklari, olgan muolajalari va salomatligiga doir boshqa zarur ma`lumotlarni avvaldan bilish imkoniyatini paydo qiladi. Shuningdek, tez yordam brigadasi ko`rikdan so`ng, bemor salomatligi haqida umumiy amaliyot shifokorini ogohlantiradi va rejali patronaj o`tkazib boriladi. Ko`rinib turibdiki, birlamchi tibbiy yordamning bunday keng qamrovli tashkil etilishi tibbiy yordamning zanjirdek uzviyligini ta`minlamoqda.


    Bugun zamon bilan hamnafas harakatlanmagan har qanday tizim faoliyatida oldinga siljish, samaradorlikni ko`rish mushkul. Shu nuqtai nazardan, poliklinikada ham axborot kommunikasiya texnologiyalari keng joriy etilmoqda. Poliklinika xodimlarining zamonaviy texnologiyalarda ishlash malakasi oshirilayotir.

    Aytaylik, bemor shifokor qabulida bo`ldi, unga tashxis qo`yilib, muolajalar o`tkazildi. Bunday vaqtda shifokor tashxisi va o`tkazilgan muolaja bemorning ambulator kartasida qayd etiladi. Endi esa, poliklinikada elektron ambulator karta yuritila boshlandi. Har bir ma`lumot onlayn tarzda kiritiladi. Bu esa, inson omili bilan bog`liq ayrim hodisalar, masalan, ambulator kartaning yo`qolishi, ba`zi sahifalarining tushib qolishi kabilarning oldini oladi. Bundan tashqari, mutaxassislar faoliyatida ham samaradorlik paydo qiladi.

    Yana bir e`tiborli jihat dori-darmon vositalar ta`minoti bilan bog`liq. Yaqindan poliklinika ichida cheklangan narxlarda savdo qiluvchi dorixona va fitobar faoliyati yo`lga qo`yildi. Shuningdek, shifo muassasasini dori-darmon vositalari va tibbiy buyumlar bilan ta`minlashga ajratilayotgan mablag`lar ham o`tgan yilga nisbatan uch baravarga oshirildi.
    Guvohi bo`ldikki, poliklinika faoliyati namunali tarzda tashkil etilgan. Xalq manfaatini ko`zlab, odamlarni rozi qilish uchun qilingan amaliy harakatlar o`z samarasini bermoqda. Zero, joriy etilayotgan har bir yangilik fuqarolar tomonidan mamnuniyat bilan qabul qilinib, e`tirof etilayotir. Kelajakda ushbu tajriba mamlakatimizdagi barcha oilaviy poliklinikalarga tatbiq etilishi ko`zda tutilgan, deya xabar beradi Sog`liqni saqlash vazirligi Axborot xizmati.

    Sharhlar

    Pedagoglarni 3 yil kuttirgan qonun nihoyat imzolandi

    21.02.2024, 17:28

    Xabaringiz bor, 2024 yil 1 fevral kuni “Pedagogning maqomi to`g`risida”gi Qonun imzolandi. Undagi pedagoglar uchun eng asosiy o`zgarishlardan biri – endi maktabga yangi ishga kirgan...
    ⚡️iPhone 16 ko`rinishi e`lon qilindi

    13.02.2024, 09:36

    Tvitterda Majin Bu taxallusi ostida yashiringan taniqli Apple insayderi yangi avlod iPhonelari haqida yangi ma`lumotlar bilan bo`lishdi. Insayder xabaridan ma`lum bo`lishicha, kompaniya bir vaqtning o`zida...
    Toshkentda 9-sinf o`quvchisi odamlarni is gazidan saqlab qoladigan ixtiro yaratdi (video)

    17.11.2023, 09:49

    3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...
    Kechagi yomg`irdan so`ng Toshkent markazidagi yangi "dom"ning eri cho`kib, tagi ochilib qoldi (video)

    10.11.2023, 12:45

    Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...
    Ob-havo: Toshkent
    Valyuta kursi
    1