Prezident Shavkat Mirziyoev 15 iyul kuni poytaxtimizning Yunusobod tumaniga tashrif buyurdi.
Davlatimiz rahbari tumanda joylashgan Toshkent shahar ichki ishlar bosh boshqarmasining Qo`riqlash boshqarmasi faoliyati bilan tanishdi, deb yozadi O`zA.
Mamlakatimizda ichki ishlar tizimi tubdan isloh qilinmoqda. Prezidentimiz tashabbusi bilan profilaktika inspektorlari o`zi xizmat qilayotgan hududda yashaydigan, fuqarolar yig`inlari bilan birga ishlaydigan yangi tizim yaratilmoqda. Ichki ishlar xodimlari uy-joy, avtomobil va zamonaviy texnika vositalari bilan ta`minlanmoqda.
Sohaga zamonaviy axborot-kommunikasiya texnologiyalari joriy etilayotgani tinchlik-osoyishtalikni mustahkamlash, jamoat tartibini saqlashda muhim o`rin tutmoqda. Mamlakatimizdagi barcha milisiya tayanch punktlarini o`zaro bog`lovchi optik tolali tizim barpo etilmoqda.
Prezidentimiz 8 iyul kuni Namangan shahridagi “Orzu” mahalla fuqarolar yig`ini profilaktika inspektori xizmat xonasida o`rnatilgan kompyuter orqali Xorazm viloyati Xiva tumani ichki ishlar bo`limi xodimlari bilan videomuloqot qilgan edi.
Toshkent shahar ichki ishlar bosh boshqarmasining Qo`riqlash boshqarmasida ham jamoat xavfsizligini ta`minlashda zamonaviy axborot-kommunikasiya texnologiyalaridan keng foydalanilmoqda. Bosh boshqarmada «Xavfsiz shahar» boshqaruv situasion markazi tashkil etilmoqda. Markaz yo`l harakati xavfsizligi, yong`in xavfsizligi, qo`riqlash xizmati, post-patrul xizmati va boshqa tarmoqlarni geoinformasion tizim orqali boshqaradi. Bozorlar, ta`lim va tibbiyot muassasalari, mehmonxonalar, yo`llar va boshqa jamoat joylariga o`rnatilgan videokuzatuv uskunalari, zamonaviy signal uzatish texnikasi bunda qo`l keladi. Bu jinoyat va huquqbuzarlik sodir etilishining oldini olish, ularni tez fursatlarda bartaraf etishda muhim ahamiyatga ega.
Tinchlik-osoyishtalikni ta`minlash tizimi bugungi hayotimiz talablariga mos bo`lishi kerak, dedi davlatimiz rahbari. Yangi zamonaviy tizim samarali ishlashi uchun uni mukammal o`zlashtirish, bosqichma-bosqich amaliyotga tatbiq etish zarur.
Prezidentimiz mazkur boshqaruv tizimini ikki yil davomida sinovdan o`tkazish, ichki ishlar xodimlarining axborot texnologiyalari bo`yicha bilimini oshirish, Muhammad al-Xorazmiy nomidagi Toshkent axborot texnologiyalari universiteti va Toshkentdagi Inha universitetida ixtisoslashgan kadrlar tayyorlash, tizim puxta o`zlashtirilganidan keyin uni mamlakatimizning barcha shaharlarida joriy etish zarurligini ta`kidladi.
13.05.2024, 17:53
Prezident Shavkat Mirziyoev 13 may kuni ko`mir qazib chiqarishni oshirish rejalari taqdimoti bilan tanishdi. Bu haqda Prezident matbuot xizmati xabar berdi. Aholi va iqtisodiyotning o`sib borayotgan...08.05.2024, 17:04
O`zbekiston Respublikasi Prezidenti Shavkat Mirziyoev 8 may kuni amaliy tashrif bilan Moskva shahriga tashrif buyurdi. Bu haqda Prezident matbuot xizmati xabar berdi. “Vnukovo” xalqaro aeroportida davlatimiz...07.05.2024, 14:24
Mirziyoev Vengriya, Eron, Chexiya, O`mon va Jazoirning yangi tayinlangan elchilaridan ishonch yorliqlarini qabul qildi. Bu haqda Prezident matbuot xizmati xabar berdi. Prezidentimiz Chexiya Respublikasi O`zbekistonning Evropa...19.04.2024, 18:05
O`zbekiston Respublikasi Prezidenti Shavkat Mirziyoevning Tojikistonga davlat tashrifi doirasidagi tadbirlar yakuniga etdi. Bu haqda Prezident matbuot xizmati xabar berdi. Kuni kecha O`zbekiston rahbari Prezident Emomali Rahmon...