AsosiyJamiyat

Chilining O`zbekistondagi yangi elchisi tayinlandi

Bugun 6 avgust kuni O`zbekiston tashqi ishlar vaziri Abdulaziz Komilov Chilining yurtimizdagi (qarorgohi Moskvada) Favqulodda va Muxtor elchisi etib tayinlangan Xuan Eduardo Egigurenni qabul qildi.   Bu haqda vazirlik matbuot xizmati xabar bergan. Elchi O`zbekiston Respublikasi Prezidentiga atalgan Ishonch yorlig`ini topshirdi. 
Qisqacha marosimdan keyin bo`lib o`tgan suhbat chog`ida O`zbekiston-Chili munosabatlarining ikkitomonlama va xalqaro tashkilotlar doirasidagi rivoji ko`rib chiqildi. 

Tomonlar hamkorlikni mustahkamlashga qaratilgan qator tashabbuslarni ilgari surdilar. Muntazam ravishda tashqi ishlar vazirliklari maslahatlashuvlarini o`tkazish, parlamentlararo aloqalarni yo`lga qo`yish, ishbilarmon doira vakillari va madaniy - gumanitar sohada to`g`ridan-to`g`ri aloqalarni yo`lga qo`yish shular jumlasidan.  

Uchrashuvda shuningdek tomonlarni qiziqtirgan xalqaro va mintaqaviy masalalar ham muhokama qilindi. 

Foto:  A.Ilyasov ("Jaxon" A.A) 

    Boshqa yangiliklar