2 avgust kuni Germaniyaning janubiy qismida ko`tarilgan dovul oqibatida bolalar oromgohida dam olayotgan bir bola halok bo`ldi, to`rt nafari jabrlandi, deb xabar berdi Vesti.ru nashri.
Voqea Rikenbax shahri yaqinidagi Baden-Vyurtemberg federal erida yuz berdi. 21 bola va 4 nafar tarbiyachidan iborat guruh ochiq osmon ostidagi palatkali oromgohda dam olgan. Kechasi dovul ko`tarilgach, oromgoh hududidagi daraxtni chaqmoq urishi oqibatida u bolalar uxlayotgan palatkalar ustiga quladi. Jabrlangan 4 bola juda og`ir ahvolda kasalxonaga yotqizildi.
