2 август куни Германиянинг жанубий қисмида кўтарилган довул оқибатида болалар оромгоҳида дам олаётган бир бола ҳалок бўлди, тўрт нафари жабрланди, деб хабар берди Vesti.ru нашри.
Воқеа Рикенбах шаҳри яқинидаги Баден-Вюртемберг федерал ерида юз берди. 21 бола ва 4 нафар тарбиячидан иборат гуруҳ очиқ осмон остидаги палаткали оромгоҳда дам олган. Кечаси довул кўтарилгач, оромгоҳ ҳудудидаги дарахтни чақмоқ уриши оқибатида у болалар ухлаётган палаткалар устига қулади. Жабрланган 4 бола жуда оғир аҳволда касалхонага ётқизилди.
