​TOShKENTDAGI TO`YLARDA KELIN-KUYoVNING VALS TUShIShI, PUL SOChISh, GUL OTISh HAMDA TORT KESISh TAQIQLANDI

Jamiyat 08.08.2017, 11:19
Teglar: To`y
​TOShKENTDAGI TO`YLARDA KELIN-KUYoVNING VALS TUShIShI, PUL SOChISh, GUL OTISh HAMDA TORT KESISh TAQIQLANDI

Toshkent shahar hokimi Rahmonbek Usmonov poytaxtimizdagi to`y va ma`rakalarni ixchamlashtirishga kirishdi, deb yozadi "1news.uz".

Shahar hokimi farmoyishi bilan tasdiqlangan tartibnomaga ko`ra, endilikda Toshkent shahrida to`y-hasham, tantana, marosim va boshqa oilaviy tadbirlarga taklif etilganlar soni 300 kishidan ortmasligi shart.

Bundan buyon yana Toshkentdagi to`ylarda kelin-kuyovning vals tushishi, pul sochishu gul otish hamda tort kesish taqiqlanadi.

Endilikda nikoh to`ylari, unashtirish, oqo`rar va fotiha marosimlari birlashtiriladi.

Cheklovlar jumlasiga yana quyidagilar kiritilgan:

- engil mashinalar sonini cheklash (faqat kelin-kuyovga);

- audio soz-ovozlarni pasaytirish;

- milliy qo`shiqlarni ko`paytirish;

- kelin salomni nikoh to`yi vaqtida to`yxonaning o`zida o`tkazish va turli sovg`alar berishni yo`q qilish.

To`y va azaga bog`liq ma`rakalar haqida mahalla fuqarolar yig`ini xabardor qilinishi shart etib qo`yilgan.

Bundan tashqari, o`tkaziladigan tadbirlarda diniy mavzudagi ma`ruza ko`zda tutilgan bo`lsa, faqat din sohasi vakili, imom-xatib tomonidan ma`ruza qilinishi shart qilib belgilandi.

Yangi tartibga muvofiq, FHDYo idoralari tomonidan nikohlanuvchi yoshlar ariza topshirish vaqtida yashash joylaridan, mahallalardan ma`lumotnoma olish talab qilinadi. Nikoh faqat ro`yxatdan o`tgan imom-xatib tomonidan o`qiladi.

Endilikda nikoh to`ylarida xonadonlardan odob-ahloq qoidalariga, sahna madaniyatiga va tashqi ko`rinish madaniyatiga qat`iy rioya etilishi ham talab qilingan.

Yangi tartibda kelinlarga qimmatbaho chet el mebellari, gilamlar va boshqa jihozlarning bo`lg`usi qaynonalar tomonidan talab qilishiga chek qo`yilgan.

Shuningdek, sepga kelinlik odobi, kuyovning oilaviy o`rni haqidagi adabiyotlardan qo`shish so`ralgan.

Qiz tomoni beradigan oshni faqat yaqin qarindoshlar (200 kishidan oshirmaslik) o`rtasida o`tkazish talab qilinadi.

Yangi tartibga muvofiq, qovurdoq, challar va quda chaqirish marosimlari bekor qilingan.

Muchal to`yi va aqiqa marosimini o`tkazmaslik so`ralgan.

Sharhlar

Samarqandda to`yda yo`qolib qolgan 4 yoshli bolaning jasadi quduqdan topildi (video)

01.10.2022, 14:39

Samarqanddagi to`yxonada yaqinlarining qarovsiziligi sabab yo`qolgan bolakay, bazmgoh atrofidagi 8 metrlik quduqqa tushib ketganligi aniqlandi. Bu haqda Samarqand viloyati IIB matbuot xizmati xabar berdi.Ma`lum qilinishicha,...
To`y fojiaga aylandi: marosimga ketayotgan kuyov daryoga cho`kib ketdi

20.07.2022, 09:30

Pokistonda to`yda ishtirok etish uchun kelayotgan mehmonlar bo`lgan qayiq cho`kib ketdi, deya xorij OAVga asoslanib yozmoqda "Zamon.uz"Ma`lum qilinishicha, kamida 20 kishi halok bo`lgan. Ular ayollar...
O`zbekistonda to`ylarni 100 kishilik qilib o`tkazishga ruxsat berildi

20.09.2021, 10:56

Avval xabar berganimizdek, Respublika maxsus komissiyasining yig`ilishida O`zbekistonda karantin talablarini qisqartirish orqali aholiga madaniy va ma`naviy hordiq chiqarish hamda dam olishlarini mazmunli o`tkazish uchun qulay...
Aktyor Aziz Umrzoqov uylandi

19.08.2019, 20:34

Aktyor va shoumen Aziz Umrzoqov 17 avgust kuni oila qurdi. Aziz va Zarinaxonning nikoh oqshomi poytaxtdagi restoranlardan birida bo`lib o`tdi.
Ob-havo: Toshkent
Valyuta kursi
1