O`zbekiston Respublikasi Bosh prokuraturasi rossiyalik hamkasblariga so`rov yuborib, unda Gulnora Karimovaning Rossiyadagi mol-mulkni arest qilishni so`radi, deb xabar beradi "Interfaks".
Rossiya bosh prokuraturasi hozirda so`rovni ko`rib chiqmoqda.
"O`zbekiston bosh prokuraturasining ma`lum qilishicha, ushbu so`rovda qayd etilgan ma`lumotlar maxfiy hisoblanadi",—deb ta`qidlagan rossiyalik prokurorlar.
2013 yilda O`zbekiston huquq-tartibot organlari tomonidan Gulnora Karimovaga nisbatan tovlamachilik va soliqlarni to`lashdan bosh tortish bo`yicha jinoyat ishi qo`zg`atilgan edi. 2015 yilning avgustida Gulnora Karimova 5 yilga ozodlikdan mahrum etilgan. Bu haqda 2017 yilning avgustida rasmiy ma`lumot taqdim etildi.
