O`zbekistonda xizmat ko`rsatgan artist Larisa Moskalyovaning oilasida og`ir judolik yuz berdi.
Mashhur xonanda o`zining Facebook sahifasida yozishicha, u onasidan ayrilgan. Shu kunlarda u AQShda bo`lib, Irma dovulidan oilasi bilan himoyalanishiga to`g`ri kelgan.
“Majburiy tarzda evakuasiya qilinishimizga to`g`ri keldi. Ammo shu vaqtda mendan juda uzoqda, Toshkentda onam vafot etdi... Men etib borolmadim... Onamni 10 sentyabr kuni dafn etishdi... Onam juda ajoyib inson edi, uning yuragi 77 yoshida, 1 sentyabr kuni urishdan to`xtadi...Onam Toshkentni juda yaxshi ko`rardi, uni 1966 yildan keyingi zilziladan so`ng tiklashga katta hissasini qo`shgan...Ohiratingiz obod bo`lsin, onajon...",
- deb yozadi Larisa.
Tahririyatimiz nomdan Larisa Moskalyova va uning oilasiga hamdardlik izhor etamiz.
