​O`ZBEKISTON AQSh KOMPANIYaLARI BILAN QIYMATI 2,6 MILLIARD DOLLARGA TENG BO`LGAN KELIShUVLAR IMZOLADI

Jamiyat 21.09.2017, 09:58
Teglar: O`zbekiston, AQSh
​O`ZBEKISTON AQSh KOMPANIYaLARI BILAN QIYMATI 2,6 MILLIARD DOLLARGA TENG BO`LGAN KELIShUVLAR IMZOLADI

O`zbekiston Respublikasi Prezidenti Shavkat Mirziyoevning Amerika Qo`shma Shtatlariga tashrifi doirasida 20 sentyabr kuni Nyu-Yorkda O`zbekiston – AQSh biznes forumi bo`lib o`tdi.

O`zbekiston Respublikasi Investisiyalar bo`yicha davlat qo`mitasi tomonidan Amerika – O`zbekiston savdo palatasi bilan hamkorlikda tashkil etilgan tadbirda AQShning 100 dan ortiq etakchi kompaniyasi rahbarlari ishtirok etdi. «General Electric», «Honeywell», «ExxonMobil», «CNH Industrial», «John Deere», «Coca-Cola», «Boeing», «Caterpillar», «City Group», «Visa», «AGCO», «Gilead Sciences» kabi yirik korporasiyalar shular jumlasidan.

Amerika – O`zbekiston savdo palatasi raisi K.Lemm, O`zbekiston Respublikasi Oliy Majlisi Senati Raisining birinchi o`rinbosari S.Safoev, Investisiyalar bo`yicha davlat qo`mitasi raisi A.Ahmadxo`jaev va boshqalar miqyosi va kun tartibiga ko`ra yirik bo`lgan ushbu biznes forum mamlakatlarimiz ishbilarmon doiralari o`zaro manfaatli amaliy hamkorlikni kengaytirishga intilishining tasdig`i ekanini ta`kidladi. O`zbekiston – AQSh iqtisodiy sherikligini sifat jihatidan yangi bosqichga ko`tarish, uning izchil va barqaror rivojlanishida tomonlarning sa`y-harakatlarini birlashtirish muhimligi qayd etildi.

Forum sho``balaridagi muzokaralarda ikki tomonlama iqtisodiy hamkorlikni mustahkamlash, O`zbekistonda qulay investisiyaviy muhitni shakllantirish hamda sanoat, infratuzilma, turizm, fan va ta`lim sohalarida qo`shma loyiha va dasturlarni amalga oshirish masalalari qizg`in muhokama qilindi.

Amerikalik ishtirokchilar O`zbekistonda valyutani tartibga solish tizimiga bozor mexanizmlarini joriy qilish, bank-moliya tizimini mustahkamlash, biznesning soliq yukini qisqartirish, investorlar uchun, jumladan, mamlakatimizda tashkil etilgan yangi erkin iqtisodiy zonalar doirasida qo`shimcha imtiyoz va preferensiyalar berish bo`yicha amalga oshirilayotgan keng ko`lamli islohotlarni yuksak baholadilar.

Biznes forum ishtirokchilari tomonlarni qiziqtirgan aniq investisiya va savdo loyihalarini muhokama qildilar, ularni amalga oshirish bo`yicha qo`shma tadbirlarni belgilab oldilar.

Tadbir yakunida AQSh kompaniyalari bilan umumiy qiymati 2,6 milliard dollarga teng bo`lgan yirik hujjatlar to`plami, jumladan, «General Electric» va «Honeywell» korporasiyalari bilan neft-gaz va neft-kimyo sohalarida, «CNH Industrial», «John Deere» va «Caterpillar» kompaniyalari bilan mashinasozlik sohasida, «OSI Systems» va «Lutron» kompaniyalari bilan elektrotexnika sohasida, «Boeing» kompaniyasi bilan fuqaro aviasiyasi sohasida istiqbolli qo`shma loyihalarni amalga oshirish bo`yicha kelishuvlar imzolandi. Bu haqda O`zA maxsus muxbiri xabar qildi.

Sharhlar

O`zbekiston Eronni mag`lub etib, Osiyo kubogiga yo`llanmani qo`lga kiritdi (video)

13.09.2023, 11:02

Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol  o`tkazib...
⚡️Qirg`iziston va O`zbekiston hamkorlikda ishlab chiqaradigan avtomobillarning narxlari e`lon qilindi

24.01.2023, 10:47

Avval xabar qilganimizdek, O`zbekiston va Qirg`iziston hamkorlikda 19 turdagi engil avtomobillar, jumladan mikroavtobus, pikap, sedan va boshqalarni ishlab chiqarishni rejalashtirgan. Qirg`izistonda ishlab chiqarilgan avtomobillar narxi 13...
Putin O`zbekistondagi g`ayritabiiy sovuqlar haqida fikr bildirdi (video)

18.01.2023, 11:45

Rossiya prezidenti Vladimir Putin iqtisodiy masalalar bo`yicha yig`ilish o`tkazdi va unda Markaziy Osiyo mamlakatlaridagi sovuqlar haqida fikr bildirdi. Rossiya rahbari bosh vazir Mixail Mishustindan agrosanoat majmuasida...
AQShda qishki bo`ron qurbonlari soni 50 kishiga etdi

27.12.2022, 10:08

AQShda qishki bo`ron tufayli kamida 50 kishi halok bo`ldi, deb xabar bergan NBC News. Telekanalning aniqlik kiritishicha, qurbonlarning aksariyati - kamida 14 nafari Nyu-York shtati...
Ob-havo: Toshkent
Valyuta kursi
1