26 sentyabr kuni Jinoyat ishlari bo`yicha Mirobod tuman sudi Toshkent shahri Borovskiy nomidagi tibbiyot kolleji o`quvchisi Jasurbek Ibrohimovning o`limi yuzasidan dastlabki sud eshituvini o`tkazdi.
Ochiq tarzda o`tgan sud majlisida marhumning ota-onasi Nilufar Alieva va Muhammadjon Tursunovlarning ko`rsatmalari tinglandi, bu haqda Uz24 nashri xabar berdi.
Jinoiy ish Jinoyat kodeksining 104-moddasi 3-qismi «d» bandi (jabrlanuvchining o`limiga sabab bo`lgan qasddan badanga og`ir shikast etkazish) bo`yicha marhumning kursdoshi Islombek To`laganovga nisbatan qo`zg`atilgan.
To`laganov sud majlisida aybini tan olmadi.
Keyingi sud eshituvi 29 sentyabr kuni bo`lib o`tadi.
