Barchamizning sevimli, erkatoy aktyorimizga aylanib ulgurgan Leanardo Vilgelm Di Kaprio «Oskar»ga eng loyiq, ammo «Oskar» ololmayotgan aktyorlar safiga kiradi. U 5 karra «Oskar», 3 karra «BAFTA» va 3 marta «Oltin globus» mukofotiga nomzodi ko`rsatilgan.
Aktyor 1974 yili Los Andjelesda dunyoga kelgan.
- «Aktyorlar ijaraga pul to`lab olinuvchi masxarabozlardir».
2. «Men faqat o`z bog`imdagina xotirjam bo`la olaman. Bir safar, xattoki Janubiy Amerika chakalakzorlarda ham muxlislarimni uchratib qolganman, ular meni ko`riboq atrofimni qurshab olishdi. Men uchun erda berkinadigan joy qolmayapti».
3. «Bilasizmi «Getsbi»dagi rolim menga nimani o`rgatdi? Unda umid qilishdek yuksak qobilyat bor edi. Menimcha, biz hammamiz umidga ehtiyoj sezamiz».
4. «Men sayyoramizni hali ham qutqarish mumkinligiga ishonaman».
5. «Menga doimo onamning, muvaffaqiyatlarimga bo`lgan munosabati yoqardi. Esimda, endi mashxur bo`layotgan kezlarim, erta tongda onam xonamga kirib: qani karavotdan tushib, badantarbiya mashqlarini bajar, dangasalikni yig`ishtir, kichkina uyquchi chuvalchang, derdi. U shu yo`l bilan meni yulduzlik kasalidan asraganini endi tushunyapman».
6. «Agar xayotda o`z maqsading bo`lmasa, maqsadi borlar uchun xizmat qilishga to`g`ri keladi».
7. «Ko`p vaqtimni Afrikada o`tkazganman. U erdagi odamlarning qanday muammolarga yo`liqishini ko`rganman. Uyga qaytganimdan so`ng esa atrofimdagilarning arzimas muammolariyu noshukrliklarini eshitgim ham kelmagan».
8. «Tamakidan hech voz kecholmayapman. Uni tashlashga uringan kunim, qo`rqinchli tushlar ko`rib, sovuq terda uyg`onaman».
9. «Hayotda pul faqat kimgadir yordam berish uchun kerak».
10. «Kecha men aqlli edim, dunyoni o`zgartirmoqchi bo`lardim, bugun esa donoman, o`zimni o`zgartirayapman».
11. « Men tabiatga juda ehtiyotkorlik bilan yondashaman. Uyimning tomida quyoshli batareyalarni o`rnatganman, oddiy mashinaga qaraganda, 75 foizga kamroq uglekislota chiqaruvchi mashina haydayman, ota-onamga ham xuddi shunday mashina sovg`a qilganman».
Manba: «Sug'diyona» gazetasi
