ULKAN QO`LLI BOLAKAY

Hindiston sharqida tug`ilgan Kalim ismli bolakay o`zining favqulodda ulkan qo`llari bilan tengqurlaridan ajralib turadi. Uning har bir qo`l panjasi 8 kg. tosh bosadi va barmoqlarining uzunligi 33 sm.ni tashkil qiladi.

Kalim o`zining noodatiy ko`rinishi tufayli o`z yoshidagi bolalar bajaradigan oddiy yumushlarni ham uddalash imkoniyatidan mahrum. Uning ota-onasi bir oyda 22 dollar ishlab topadi, shunga qaramay farzandining dardiga najot topishga urinmoqda. Ammo barchasi befoyda. Hatto go`dakka yordam qo`lini cho`zishni xohlayotgan shifokorlar ham buni qanday bajarishni bilolmay hayron. Tibbiyot xodimlari Kalim bilan bog`liq holat hali dunyo tajribasida kuzatilmaganini aytib, aniq tashxis qo`yishga ham qiynalyaptilar.