2014 yilda O`zbekiston milliy terma jamoasining BAA termasiga qarshi Avstraliya-2015 saralash o`yinidan tashqari boshqa uchrashuvlari haqida deyarli ma`lumotlar yo`q edi.
Ammo, bugunga kelib, O`zbekiston milliy terma jamoasining o`rtoqlik uchrashuvidagi bitta
raqibining nomi ma`lum bo`lgan. Bu haqda uff.uz sayti xabar bermoqda.
Demak, shu yilning 6 oktyabr kuni Doha shahrida Mirjalol Qosimov shogirdlari Qatar termasiga qarshi o`rtoqlik uchrashuvida maydonga chiqishadi. Ushbu ma`lumotni FIFA rasmiy sayti ham tasdiqlagan.
Mazkur o`yinda murabbiylarimiz shtabi milliy termamizga jalb qilingan yosh futbolchilarni ko`rikdan o`tkazishi belgilab qo`yilgan.
