Mirjalol Qosimov bosh murabbiyligidagi O`zbekiston milliy terma jamoasining ilk mashg`uloti bugun “JAR” stadionida soat 16:00da boshlanadi. Bu haqda UFF rasmiy tvitterida xabar qoldirildi.
M.Qosimovning aytishicha, futbolchilar yig`in oldidan o`z klublari safida maydonga tushishganliklari tufayli, dastlab tiklanish mashqlari bajariladi
“Yig`inga chaqirilgan futbolchilarning bir qismi Toshkentga etib kelgan. Qolganlar 1 martgacha safga kelib qo`shiladilar. Ikki kun ichida xorijdagi futbolchilarimiz safimizga kelib qo`shilishadi”,-deydi O`zbekiston terma jamoasi bosh murabbiyi.
