Afg`oniston poytaxti Kobulda portlash sodir etilishi oqibatida 15 kishi halok bo`ldi, 20 kishi yaralandi, deb xabar berdi Segodnya.ua nashri.
Portlash 4 yanvar kuni mahalliy vaqt bilan soat 20:30da Qobulning Banoiy tumanida, AQSh elchixonasi yaqinida sodir bo`ldi. Guvohlarning ma`lumot berishicha, mazkur teraktni terrorchi-xudkush amalga oshirgan. Nashrning xabar berishicha, terakt oqibatida asosan o`sha hududda xizmatni o`tayotgan polisiyachilar halok bo`lgan.
Mahalliy amaldorlarning ma`lumotlariga ko`ra, polisiyachilar bu hududda spirtli ichimliklar va giyohvand moddalar sotilishiga qarshi operasiya o`tkazishayotgan bo`lgan. Xudkush u tomonga polisiyachilar yaqinlashayotganini sezgandan keyin bombani portlatgan.
Hozircha hech qaysi bir terrorchilik guruhi ushbu hujum uchun javobgarlikni o`z zimmasiga olmagan. Ayni vaqtda portlash sodir etilgan hudud polisiyachilar tomondan o`rab olingan.
