Gvineyada yuzlab ayollarni aldagan tabib ayol qamoqqa olindi, deb xabar berdi Lenta.ru nashri.
Tabib ayol davolanishga kelgan befarzand ayollarga turli giyohlardan tayyorlangan damlamani berib, go`yoki davolagan. Natijada ayollarning qorni shishib, sun`iy “homiladorlik” yuzaga kelgan. Ular to 9 oy to`lib, tug`ish fursati etmaguncha homiladorliklariga ishonishgan. Ayollar tabibning xizmati uchun 33 dollardan haq berishgan. Polisiyaning ma`lumot berishicha, tabib ayol mazkur yo`l bilan minglab dollar pul topgan.
16 yanvar kuni aldangan 200 ga yaqin ayol polisiya binosi yoniga kelib, norozilik namoyishini o`tkazgan. Tabib ayol 17 yoshdan 45 yoshgacha bo`lgan 700 nafar ayolni aldagan.
Jahon sog`liqni saqlash tashkiloti bergan ma`lumotga ko`ra, Afrika mamlakatlarining 80 foiz aholisi davolanishda hamon an`anaviy xalq taboboti usulidan foydalanishni ma`qul ko`radi.
