Davlat dasturiga asosan davlat xizmatchilarining mehnatiga haq to`lash va ijtimoiy ta`minoti tizimi takomillashtiriladi.
Adliya vazirligining telegramdagi Huquqiy axborot kanalida ma`lumot berilishicha, bunda davlat organlari xodimlariga ish haqlarini bazaviy tarif stavkalari asosida to`lashga o`tkazish, davlat organlari xodimlari faoliyati samaradorligi natijasidan kelib chiqib, rag`batlantirish choralarini ko`rish, davlat idoralarida ko`p yillik xizmat qilgani uchun oylik ish haqiga ustamalar to`lash tizimini birxillashtirish va idoraviy uy-joylar qurish dasturini ishlab chiqish nazarda tutiladi.
