O`zbekiston Respublikasi Prezidenti Shavkat Mirziyoev joriy yilning 6 fevral kuni «Kirish turizmini rivojlantirish chora-tadbirlari to`g`risida»gi qarorni imzoladi. Hujjat matni "O`zA"da to`liq keltirilgan.
Unga ko`ra, «O`zbekiston havo yo`llari» milliy aviakompaniyasiga xalqaro reyslar uchun aviabiletlarni tannarxidan arzonroqqa sotishga ruxsat etildi.
Shuningdek, O`zbekiston Respublikasi Moliya vazirligi MAK bilan birgalikda ikki oy muddatda «O`zbekiston havo yo`llari» MAKning soliq solinadigan bazasini arzonlashtirilgan narxlar bo`yicha sotilgan aviachiptalar summasiga kamaytirish mexanizmini joriy etish topshirildi.
