O`zbekistonda ommaviy diktant tadbiri o`tkaziladi

2018 yil 20 oktyabrda O`zbekistonda ommaviy diktant tadbiri o`tkaziladi.

Davlat dasturiga asosan rejalashtirilayotgan mazkur tadbir korxona, muassasa va tashkilotlarda o`tkaziladi, deb xabar bermoqda Adliya vazirligining Telegramdagi "Huquqiy axborot" kanali.

Ta`kidlanishicha, ommaviy diktant tadbirini o`tkazishdan maqsad savodxonlikni oshirish, madaniy hayotning barcha sohalarida milliy boyligimiz hisoblangan o`zbek tilining rolini kuchaytirishdir.

O`z savodxonlik darajasini aniqlamoqchi bo`lgan yurtdoshlarimiz mazkur tadbirga ixtiyoriy ravishda qatnashishi mumkin.