O`zbekiston Davlat Bojxona qo`mitasi Raisi birinchi o`rinbosari Baxtiyor Raimov lavozimidan ozod etildi, deb xabar qildi DBQ rasmiy axborot kanali.
Baxtiyor Raimov qo`mitada Bojxona nazoratini tashkil etish bosh boshqarmasi, Bojxona tekshiruvlari va surishtiruvlari boshqarmasi va Huquqiy boshqarmalar faoliyatini nazorat qilgan.
Shu bilan birga, O`zbekiston prezidentining qaroriga muvofiq Aripov Jasur Alimovich Davlat bojxona qo`mitasi Raisining birinchi o`rinbosari lavozimiga tayinlandi.
Jasur Aripov ilgari Majburiy ijro byurosi direktorining birinchi o`rinbosari sifatida ishlagan.
Eslatib o`tamiz, 13 fevral kuni O`zbekiston Davlat bojxona qo`mitasi raisi Muidjon Tohiriy ishdan olinib, uning o`rniga Bosh prokuror o`rinbosari, general-mayor Murotjon Berdialievich Azimov tayinlangandi.