Beeline aloqa operatori O`zbekistonning barcha hududlaridagi abonentlar uchun favqulodda holatlar xizmati raqamlarini terish tartibi o`zgarganligi haqida xabar beradi.
Butun respublika bo`ylab favqulodda holatlar va ma`lumotlar xizmati raqamlarini tartibga solish va shaharlararo va xalqaro aloqa tarmog`iga chiqishni xalqaro standartlarga moslashtirish maqsadida quyidagi raqamlar o`zgartirildi:
- 01 (yong`inga qarshi kurashish xizmati) – 101
- 02 (milisiya) – 102
- 03 (tez yordam) – 103
- 04 (gaz avariya xizmati) – 104
- 050 (qutqaruv xizmati) – 1050
- 0xx (boshqa xizmatlar) – 10xx
Shunday qilib, Toshkent abonentlari uchun mobil va qo`zg`almas telefonlardan yagona terish tartibi o`rnatilmoqda: 101, 102, 103, 104, 1050 va boshqa, # belgisiz. Kelgusi uch oy davomida yangi xalqaro formatga ravon o`tish uchun ham yangi, ham eski raqam terish turlari amal qiladi.
