Joriy yilning 31 yanvar kuni Moskva viloyati Sofrino qishlog`ida yuz bergan yong`inda Samarqand viloyati Pastdarg`om tumani Chorvador qishlog`ida tug`ilgan O`zbekiston Respublikasi fuqarosi Kirgizov Nuriddin uy yonayotganligini ko`rib, u erda qolib ketgan qariyani qutqarishga shoshiladi va qariyani qutqarishi davomida o`zi yong`indan jarohat oladi.
Yong`inda ko`rsatgan insoniylik yordami uchun u Rossiyadagi Yong`inga qarshi kurashish ko`ngillar jamiyatining “Knyaz Aleksandr Lvov” nomli medali hamda Pushkin shahar okrugi boshlig`idan diplom, shuningdek, Pushkin yong`inqutqaruv garnizoni boshlig`i tomonidan minnatdorlik e`lon qilindi.
Mukofotlarni Samarqand viloyati Favqulodda vaziyatlar boshqarmasi boshlig`i, Viloyat sog`liqni saqlash va hokimiyat xodimlari tomonidan topshirildi.
Hozirgi vaqtda unga, Respublika shoshilinch tibbiy yordam ilmiy markazining Samarqand viloyati filialida tibbiy yordam ko`rsatilmoqda.
