Hindistonning Mumbay shahridagi do`konlardan birida sotuvchi bo`lib ishlovchi erkak o`zidan ikki qadam narida bo`lgan qizchasining o`g`irlab ketilganini sezmay qoldi, deb xabar berdi Ria.ru nashri.
Mazkur voqeani kuzatuv kameralari videoga oldi. Rolikdan ko`chaga yugurib chiqqan qizchani o`tib ketayotgan yigit ko`tarib olib, hech narsa bo`lmagandek yo`lida davom etayotganligini ko`rish mumkin.
Qizchaning yo`qolganligini otasi bir necha soatdan keyin bilib, uni qidirishga tushdi. U shuncha vaqt mobaynida qizi ko`chada o`ynab o`tiribdi deb o`ylagan. Kuzatuv kameralarini tekshirgan polisiya olti soatdan keyin bola o`g`risini qo`lga oldi.
Nashr qizchaning sog`-omonligi, jinoyatchi nima maqsadda uni o`g`irlagani haqida ma`lumot bermagan.
