Avstraliyaning Kvinslend shtati shimoliga jala, toshqinlar va kuchli shamol yopirildi. Asosiy avtomagistrallar yopilgan. Tabiiy ofatdan ziyon ko`rgan tumanlarda suv ostida qolgan 200 ta uyning aholisi xavfsiz joyga ko`chirilgan. Bir necha hududlardagi ta`lim muassasalarida mashg`ulotlar bekor qilindi. Meteorologlarning ogohlantirishicha, tropik havo oqimi yaqinlashmoqda.
Shtat ma`muriyatining xisob kitoblariga qaraganda, toshqinlar banan, shakarqamish hosiliga ta`sir ko`rsatadi. Shuningdek, baliqchilik xo`jaliklariga jiddiy ziyon etkazdi.