Австралиянинг Квинсленд штати шимолига жала, тошқинлар ва кучли шамол ёпирилди. Асосий автомагистраллар ёпилган. Табиий офатдан зиён кўрган туманларда сув остида қолган 200 та уйнинг аҳолиси хавфсиз жойга кўчирилган. Бир неча ҳудудлардаги таълим муассасаларида машғулотлар бекор қилинди. Метеорологларнинг огоҳлантиришича, тропик ҳаво оқими яқинлашмоқда.
Штат маъмуриятининг хисоб китобларига қараганда, тошқинлар банан, шакарқамиш ҳосилига таъсир кўрсатади. Шунингдек, балиқчилик хўжаликларига жиддий зиён етказди.
