Hindistonning Uttar-Pradesh shtatidagi klinikalardan birida oyog`i kesib tashlangan bemorga yostiq o`rnida foydalanish uchun uning kesilgan oyog`i berildi, deb xabar qildi Financialexpress.com nashri.
Mazkur holat aks video ijtimoiy tarmoqlarga joylashtirildi. Kadrda oyog`ining tizzadan pastki qismi kesib tashlangan erkakning muolaja olayotgan paytida boshiga kesilgan oyog`ini yostiq qilib yotganligini ko`rish mumkin.
Nashrning xabar berishicha, ushbu hodisa Jxansi shahridagi davlat tibbiyot kolleji qoshidagi shifoxonada yuz bergan. Shifoxonada holat yuzasidan surishtiruv ishlari boshlangan va voqeaga aloqador bo`lgan ikki shifokor xizmat vazifasidan vaqtinchalik chetlatilgan. Maxsus komissiya aynan kim bemor boshi ostiga uning oyog`ini qo`yganligi yuzasidan tekshiruv olib bormoqda. Shifokorlarning aybi o`z tasdig`ini topadigan bo`lsa, ularga nisbatan jiddiy choralar ko`riladi.
Shu bilan birga bemorning yaqinlari va shifokorlar bergan ko`rsatmalar bir-biridan keskin farq qilmoqda. Shifokorlarning aytishicha, yo`l-transport hodisasida jabrlangan Gxanshyam ismli erkakka shifoxonada shoshilinch yordam ko`rsatilgan. Shundan keyin shifokor bemor boshi ostiga qo`yishga narsa qidira boshlagan va bemorning yaqinlaridan biri uning kesilgan oyog`ini qo`llashga qaror qilgan. Bemor yaqinlarining aytishicha esa, oyoqni erkak boshi ostiga shifokorlar qo`yishgan va uni yostiq bilan almashtirishdan bosh tortishgan. Natijada bemorning yaqinlari bozordan yostiq sotib olishga majbur bo`lishgan.
Erkakning oyog`i avtohalokat oqibatida uzilib ketgani yoki shifokorlar uni olib tashlashga majbur bo`lganlari borasida ham aniqlik kiritilmagan.
200 mlndan ko`proq odam yashaydigan Uttar-Pradesh Hindistonning eng nochor shtatlaridan biri hisoblanadi. Ta`kidlanishicha, bu erdagi shifoxonalarda kichik davolanishni ham ancha uzoq kutishga to`g`ri keladi, tibbiy mas`uliyatsizlik esa keng tarqalgan hodisadir.
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...
16.11.2023, 12:40
Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...
10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...
04.11.2023, 12:37
Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...
