Qora tuynuklar nazariyasi asoschisi, britaniyalik fizik Stiven Xoking 77 yoshida vafot etdi.
Stiven Xoking 1942 yilning 8 yanvarida Oksfordda tug`ilgan. 1962 yilda u Oksford universitetini tamomlaydi, 1966 yilda Kembrij universiteti qoshidagi Triniti-xoll kollejida doktorlik darajasini oladi.1960-yillar boshida Xokingda amiotrofik skleroz kasalligining birinchi alomatlari paydo bo`ladi, keyinchalik ushbu kasallik oqibatida u falajlik holatiga tushib qoladi. 1963 yilda shifokorlarr uning atigi 2,5 yillik umri qolganini ma`lum qilishadi.
Og`ir xastalikka qaramasdan Xoking faol hayot olib borishga intiladi. 2007 yilda u maxsus samolyotda muallaq holda parvoz qilishga erishadi. 2009 yilda esa koinotga parvoz rejalashtirilgandi, ammo ba`zi sabablarga ko`ra parvoz amalga oshmay qoladi.
Xokingning asosiy yutuqlari orasida qora tuynuklar nazariyasini isbotlashda termodinamika qonunlarini ishlatish, hamda qora tuynuklarning “Xoking” nurlanishi deb nom olgan holat natijasida yo`q bo`lishi nazariyasi bo`lgan.
1988 yilning aprelida Xoking «Vaqtning qisqa tarixi» kitobini nashr qiladi va u haqiqiy bestsellerga aylanadi.
