Amerikalik numizmat Yangi Angliyada million dollarga baholanuvchi noyob tangani topdi, deb xabar berdi lenta.ru nashri.
Mazkur tanga 1854 yilda San-Fransiskoda zarbxonasida zarb etilgan. Kaliforniyada yuz bergan oltin vasvasasi vaqtida bunday tangalardan bor-yo`g`i 268 nusxa ishlab chiqarilgan. Shu paytgacha ularning uch donasi topilgan edi. Bu to`rtinchi topilma bo`ldi.
Kolleksioner tangalarni qanday qilib qo`lga kiritganini oshkor qilishni istamadi. U uzoq vaqtlar mobaynida tanganing soxta emasligini isbotlashga uringan. Natijada u dunyodagi eng yirik, tangalarning haqiqiyligini aniqlab beruvchi Numismatic Guaranty Corporation ekspertlik kompanichsiga murojaat qilishga majbur bo`lgan.
1854 yilda zarb qilingan tangalardan biri Vashingtondagi Smitsonlar institutida, biri afsonaviy numizmat Devid Poganing kolleksiyasida, uchinchisi esa Amerikaning eng boy xonadonlaridan biri bo`lgan Uilss Dyuponda saqlangan. 1967 yilning oktyabr oyidla Dyuponning xonadoniga o`g`irlikka kirgan qurollangan bosqinchilar milliarderni, uning 4 yoshli o`g`lining, xizmatkorining qo`lini bog`lab, rafiqasini seyfni ochishga majbur qiligan va 50 ming dollar pulni, qimmatbaho taqinchoqlarni, 1854 yilda zarb etilgan tillan tangalarni o`g`irlab ketishgan. Shundan keyin tangalarning keyingi taqdiri noma`lumligicha qolgan.
