Америкалик нумизмат Янги Англияда миллион долларга баҳоланувчи ноёб тангани топди, деб хабар берди lenta.ru нашри.
Мазкур танга 1854 йилда Сан-Францискода зарбхонасида зарб этилган. Калифорнияда юз берган олтин васвасаси вақтида бундай тангалардан бор-йўғи 268 нусха ишлаб чиқарилган. Шу пайтгача уларнинг уч донаси топилган эди. Бу тўртинчи топилма бўлди.
Коллекционер тангаларни қандай қилиб қўлга киритганини ошкор қилишни истамади. У узоқ вақтлар мобайнида танганинг сохта эмаслигини исботлашга уринган. Натижада у дунёдаги энг йирик, тангаларнинг ҳақиқийлигини аниқлаб берувчи Numismatic Guaranty Corporation экспертлик компаниясига мурожаат қилишга мажбур бўлган.
1854 йилда зарб қилинган тангалардан бири Вашингтондаги Смитсонлар институтида, бири афсонавий нумизмат Дэвид Поганинг коллекциясида, учинчиси эса Американинг энг бой хонадонларидан бири бўлган Уилсс Дюпонда сақланган. 1967 йилнинг октябрь ойидла Дюпоннинг хонадонига ўғирликка кирган қуролланган босқинчилар миллиардерни, унинг 4 ёшли ўғлининг, хизматкорининг қўлини боғлаб, рафиқасини сейфни очишга мажбур қилиган ва 50 минг доллар пулни, қимматбаҳо тақинчоқларни, 1854 йилда зарб этилган тилла тангаларни ўғирлаб кетишган. Шундан сўнг тангаларнинг кейинги тақдири номаълумлигича қолган.
