Avstraliyaning Melbrun universiteti o`qituvchi va talabalari badbo`y hid tufayli yotoqhonadan evakuasiya qilindi, deb xabar berdi lenta.ru nashri.
Mahalliy vaqt bilan soat 15:00 da universitet yotoqxonasidan o`t o`chiruvchilarga badbo`y hid haqida xabar berilgan. Guvohlarning aytishicha, yoqimsiz hid yotoqxonaning kutubxonasidan taralgan. O`quv muassasi hududida xavfli kimyoviy vositalar saqlanganligi sababli tekshiruv ishlari boshlangan.
Odamlar evakuasiya qilingandan keyin bu hid manba achib qolgan durian mevasi ekanligi ma`lum bo`lgan. Shkafda qolib ketgan meva chirib, uning badbo`y hidi ventilyasiya orqali kampusga tarqalgan.
Ayni paytda universitet ochilib, o`z ishini davom ettirmoqda. Durian — Janubi-Sharqiy Osiyo tropik o`rmonlarida o`suvchi meva bo`lib, u o`zidan juda yoqimsiz hid taratadi.
