Fransiya prezidenti Emmanuel Makron Rossiyada bo`lib o`tadigan futbol bo`yicha jahon chempionati o`yinlarini tomosha qilish uchun tashrif buyurishni rejalashtirdi, deb xabar berdi Mir24.tv.
«Rossiyada bo`lib o`tadigan JCh vaqtida terma jamoamizni qo`llab-quvvatlash uchun borishni rejalashtirmoqdaman. Musobaqaning boshidan borib qo`llab-quvvatlay olmasligim mumkin, ammo, agar terma jamoa final yo`llanmasini qo`lga kirita olsa, ularni qo`llab-quvvatlash uchun albatta boraman.
Tabiatan juda optimist odamman va shu boisdan ham bir necha haftadan so`ng terma jamoamizni qo`llab-quvvatlash uchun Rossiyaga boraman deb ayta olaman. Balki o`shanda Rossiya prezidenti Vladimir Putin bilan ko`rishishim mumkin bo`ladi», – degan Makron.
