Франция президенти Эммануэль Макрон Россияда бўлиб ўтадиган футбол бўйича жаҳон чемпионати ўйинларини томоша қилиш учун ташриф буюришни режалаштирди, деб хабар берди Mir24.tv.
«Россияда бўлиб ўтадиган ЖЧ вақтида терма жамоамизни қўллаб-қувватлаш учун боришни режалаштирмоқдаман. Мусобақанинг бошидан бориб қўллаб-қувватлай олмаслигим мумкин, аммо, агар терма жамоа финал йўлланмасини қўлга кирита олса, уларни қўллаб-қувватлаш учун албатта бораман.
Табиатан жуда оптимист одамман ва шу боисдан ҳам бир неча ҳафтадан сўнг терма жамоамизни қўллаб-қувватлаш учун Россияга бораман деб айта оламан. Балки ўшанда Россия президенти Владимир Путин билан кўришишим мумкин бўлади», – деган Макрон.
