Meksika prezidenti Enrike Penya Neto butun xalqi nomidan ma`lum qildi: Meksika Amerika bilan chegarada qurilayotgan devor uchun hech qachon pul to`lamaydi.
Davlat rahbari shu haqdagi bayonotini Tvitterda ingliz va ispan tilidagi mikroblogida chop etgan.
Yaqindagina AQSh prezidenti Donald Tramp chegarada qurilayotgan devor uchun Meksikadan to`lov talab qildi edi. Enrike Penya Netoning bayonoti bunga javob bo`ldi.
Eslatib o`tamiz, AQSh kongressi Tramp tasdiqlashga majbur bo`lgan mamlakat byujdetini qabul qilgan edi. Byudjetga muvofiq, Amerikaning Meksika bilan chegarasida qad rostlayotgan devorga prezident ma`muriyati so`ragandek, 25 milliard emas, balki 1,6 milliard dollar mablag` ajratildi. Shu vajdan Tramp chegaradagi devor borasida Meksikaga talab qo`ydi.
