Мексика президенти Энрике Пенья Ньето бутун халқи номидан маълум қилди: Мексика Америка билан чегарада қурилаётган девор учун ҳеч қачон пул тўламайди.
Давлат раҳбари шу ҳақдаги баёнотини Твиттерда инглиз ва испан тилидаги микроблогида чоп этган.
Яқиндагина АҚШ президенти Дональд Трамп чегарада қурилаётган девор учун Мексикадан тўлов талаб қилди эди. Энрике Пенья Ньетонинг баёноти бунга жавоб бўлди.
Эслатиб ўтамиз, АҚШ конгресси Трамп тасдиқлашга мажбур бўлган мамлакат бюждетини қабул қилган эди. Бюджетга мувофиқ, Американинг Мексика билан чегарасида қад ростлаётган деворга президент маъмурияти сўрагандек, 25 миллиард эмас, балки 1,6 миллиард доллар маблағ ажратилди. Шу важдан Трамп чегарадаги девор борасида Мексикага талаб қўйди.
