Bugun, 19 iyun kuni Xorazm viloyatining Urganch shahrida joylashgan "Urganch markaziy dehqon bozori"da yong`in sodir bo`lib, bozorning yopiq savdo pavilonidagi savdo rastalarining 200 kv.m. maydoni yonib zarar ko`rgan.
O`zbekiston Respublikasi IIV Jamoatchilik va ommaviy axborot vositalari bilan aloqalar boshqarmasining xabariga ko`ra, ko`rilgan choralar natijasida yong`in o`chirilgan.
Hozir surishtiruv ishlari olib borilib, yong`inning kelib chiqish sabablari aniqlanmoqda.
