Prezidentning 2003 yil 27 martdagi Farmoniga asosan uy-joy-kommunal xizmatlar haqini to`lash bo`yicha eng kam ish haqi hisobidan tabaqalashtirilgan miqdorlarda oylik kompensasiya pul to`lovlari joriy etilgan. Bu haqda Adliya vazirligining "Huquqiy axborot" kanalida ma`lum qilindi.
Uy-joy-kommunal xizmatlar haqini to`lash bo`yicha kompensasiya pul to`lovlarining mexanizmi to`g`risidagi nizomga asosan kompensasiya to`lovlari quyidagilarga beriladi:
- 1941 — 1945 yillardagi urush nogironlari va qatnashchilariga tenglashtirilgan shaxslar;
- o`zgalar parvarishiga muhtoj yolg`iz pensionerlar;
- Sovet Ittifoqi Qahramonlari, Sosialistik Mehnat Qahramonlari va «Slava» ordenining uchala darajasi bilan mukofotlangan shaxslar;
- fashist konslagerlarining sobiq voyaga etmagan mahbuslari;
- Leningrad shahri qamali davrida ishlagan fuqarolar;
- ko`rish qobiliyati bo`yicha I guruh nogironlari;
- Chernobil halokati oqibatida jabrlangan fuqarolar;
- yadro poligonlari va boshqa radiasiya-yadro ob`ektlarida harbiy xizmatni o`tagan pensiya yoshidagi shaxslar.
