18 iyul kuni Qoraqalpog`iston Respubublikasining shimoli-g`arbiy tarafidan esgan kuchli shamol qumli bo`ron ko`tarilishiga sabab bo`ldi, deya xabar bermoqda "Karinform.uz".
Ijtimoiy tarmoq foydalanuvchilarining xabar berishicha, respublikaning shimoliy tumanlari Qorao`zak, Chimboy va Kegayli, shuningdek, Qo`ng`irot tumanlarida soat 12:30 larda kuchli shamol esishi oqibatida hamma joyni qum bo`roni qoplagan.
Qum bo`roni poytaxtimiz Nukus shahriga 13:10 larda kirib kelgan. Bu haqda ob-havoni kuzatish markazi hech qanday ogohlantirish bermagan.
Bu yili yog`ingarchilik miqdorining juda kam bo`lganligi tufayli Qoraqalpog`iston hududidagi qumlarning tez-tez havoga ko`tarilayotganligiga guvoh bo`lyapmiz.
Eslatib o`tamiz, bundan avvalgi qum bo`roni may oyining oxirlarida havoga ko`tarilgan va uning tarkibida Orol dengizining qurigan tubidagi tuzlar borligi aniqlangan edi. Bugungi qum bo`roni tarkibida tuz bor yoki yo`qligi to`g`risida rasmiy ma`lumot berilishini kutamiz.
Rasmlar muallifi Islam Matekov
