Toshkent shahar Mirobod tumani hududida joylashgan «Sigma» nomli biznes markazining binosida yong`in chiqqani ma`lum qilindi. Bu haqda 2018 yil 19 iyul kuni soat 05:17 da Toshkent shahar IIBB YoXBga yong`in sodir bo`layotgani xabar qilingan.
«UzNews.uz» ma`lum qilishicha, Toshkent shahar IIBB YoXBning Jangovar bo`linmalari tomonidan ko`rilgan tezkor harakatlar natijasida yong`in soat 05:49 da bartaraf etilgan. Yong`in oqibatida «Sigma» biznes markazi binosining tashqi qoplamasi 30 kv.m. maydonida hamda ushbu markazning 4-qavatida joylashgan ijarada bo`lgan sog`lomlashtirish markazining xonasi 25 kv.m. maydoni yongan.
Yong`in sababi va keltirilgan moddiy zarar miqdori aniqlanmoqda. Shu munosabat bilan, Toshkent shahar IIBB Yong`in xavfsizligi boshqarmasi, iqtisodiyot tarmoqlari va ijtimoiy soha ob`ekt rahbar va xodimlarini yong`in xavfsizligi qoidalariga qat`iy rioya etishlarini so`ramoqda.
