Qozog`istonda ikki avtobus ishtirokida yo`l transport hodisasi sodir bo`ldi.
Olmaota shahrida ro`y bergan hodisadan so`ng 20 ga yaqin yo`lovchi tez yordamga murojaat etgan. Shahar sog`liqni saqlash boshqarmasi ma`lumotlariga ko`ra, 4 kishi kasalxonaga yotqizilgan. Voqea joyiga 10 ta tez yordam brigadasi yuborilgan.
“Shahar shifoxonasiga turli darajada jarohatlangan 18 nafar yo`lovchilar keltirildi va ularga tegishli tibbiy yordam ko`rsatildi. Zarur ko`rikdan so`ng 4 kishining holati shifoxonaga yotqizishni talab etishi aniqlandi ” - deyiladi idora xabarida. Jarohatlanganlardan uch nafari bolalardir.
