Қозоғистонда икки автобус иштирокида йўл транспорт ҳодисаси содир бўлди.
Олмаота шаҳрида рўй берган ҳодисадан сўнг 20 га яқин йўловчи тез ёрдамга мурожаат этган. Шаҳар соғлиқни сақлаш бошқармаси маълумотларига кўра, 4 киши касалхонага ётқизилган. Воқеа жойига 10 та тез ёрдам бригадаси юборилган.
“Шаҳар шифохонасига турли даражада жароҳатланган 18 нафар йўловчилар келтирилди ва уларга тегишли тиббий ёрдам кўрсатилди. Зарур кўрикдан сўнг 4 кишининг ҳолати шифохонага ётқизишни талаб этиши аниқланди ” - дейилади идора хабарида. Жароҳатланганлардан уч нафари болалардир.
