Yurtimizga kirib kelayotgan va xorijga safarga otlangan har bir fuqaro amaldagi bojxona qonunchiligiga rioya etishi shart. Ammo, fuqaro M.Z.ning zargarlik buyumlarini Hindistonning Dehli shahriga noqonuniy olib ketishga urinishi qimmatga tushdi.
U “qizil” yo`lakdan harakatlanyotganda 62 million so`mlik, 413 gramm zargarlik buyumlarini bojxona deklarasiyasida qayd etmadi.
Shuningdek, Davlat bojxona qo`mitasi axborot xizmatining xabariga ko`ra, “Istanbul-Toshkent” yo`nalishi bo`yiga uchib kelgan fuqaro N.L. qiymati 39 million so`mdan ortiq 186,6 gramm zargarlik buyumlarini yurtimizga yashirincha olib kirmoqchi bo`lgan.
Ushbu ikki holatda bojxonachilar tomonidan qonunbuzarlardan umumiy qiymati 101 million so`mlik, qariyb 600 gramm zargarlik buyumlari ashyoviy dalil sifatida olindi.
Hozirda ushbu holatlar yuzasidan tekshiruv harakatlari davom ettirilmoqda.
