Shvesiyada 13 avgustdan 14 avgustga o`tar kechasi noma`lum shaxslar 80ta avtomashinaga o`t qo`ydi. Bu holat birdaniga bir necha tumanda ro`y berdi, deya xabar qildi SVT telekanali.
"Mamlakatda ko`plab yong`inlar yuz bergan, biroq bunday holatga hech duch kemaganmiz", - dedi mahalliy polisiya vakili Ulla Brem.
Polisiyaga birinchi xabar mahalliy vaqt bilan soat 21.00da kelib tushgan. Guvohlarning so`zlariga ko`ra, qora kiyimda bo`lgan jinoiy guruh vakillari avtomashinalarga benzin qo`yib, o`t qo`ya boshlagan.
Shuningdek ular qo`llaridagi beysbol bitalari bilan avtomashinalarga shikast etkazgan, voqea joyiga kelgan qutqaruvchilarga yordam bergan polisiyachilarga qarata tosh otishgan.
Ushbu holat yuzasidan surishtiruv ishlari olib borilmoqda.