Xitoyning shimoli-sharqidagi Xarbin shahrida joylashgan mehmonxonada yong`in kelib chiqdi, deya xabar berdi Segodnya nashri.
Yaqindagina ochilgan mehmonxona binosining pastki qavatida ro`y bergan alanga qisqa fursatda yuqori qismini ham qamrab olgan. Fojia oqibatida 19 kishi halok bo`lgani ma`lum qilinmoqda. Yong`in haqida xabar kelib tushgach, ichkaridagi odamlar tashqariga olib chiqilgan. O`nlab o`t o`chirish xodimlari olov bilan kurashib, uni bartaraf etishga muvaffaq bo`lishdi. Voqeaning yuz berish sabablari hozircha noma`lum. Holat yuzasidan tergov ishlari olib boriladi.
